Размовы аб недаацэнцы саперніка быць не можа. Барысаўскі БАТЭ сур'ёзна рыхтуецца да першага матча 3-га раўнда кваліфікацыі Лігі Еўропы супраць "Сараева" ў Босніі і Герцагавіне. Лазарэт барысаўчан нарэшце стаў пусцець. Так, у выязной гульне жоўта-сінія могуць разлічваць на дапамогу ісландца Тора Вілюмсана. Букмекеры фаварытам сустрэчы завуць БАТЭ. На руку беларусам і тое, што гульня пройдзе не на родным стадыёне "Сараева", а ў горадзе Зеніца. Хатняя арэна баснійскага клуба не можа прымаць матчы дадзенай стадыі. Стартавы свісток сустрэчы "Сараева" - БАТЭ прагучыць у 20:45, гульня ў адказ - праз тыдзень у Барысаве.
