Беларусы выйгралі два медалі на этапах Кубка Еўропы па фрыстайле

Два медалі заваявалі беларускія фрыстайлісты-юніёры на этапах Кубка Еўропы, якія праходзяць у Швейцарыі. На другую прыступку п'едэстала пашаны ў першы дзень паднялася Ганна Дзяруга, а на наступны бронзавую ўзнагароду ўзяла Яна Ярмашэвіч. Сёння на этапе Кубка Еўропы камандны турнір. А вось у календары нацыянальнай зборнай адбыліся змяненні. Наступны этап Кубка свету пройдзе 7 лютага ў амерыканскім Дыр-Велі. Старт у Маскве праз умовы надвор’я быў перанесены на 15 лютага.