Трыумфальная перамога выдатнай чацвёркі дагэтуль у топе навін і сацыяльных сетак. Балельшчыкі абмяркоўваюць поспех і захапляюцца нашымі біятланісткамі. Асабліва радуюцца спартсмены, якія ведаюць і разумеюць, чаго вартае трапіць на п’едэстал гонару.
Адным з першых нашых залатых дзяўчат у сваім акаўнце павіншаваў хакейны клуб "Дынама-Мінск". Каманда сачыла і за гонкай, і за ўзнагароджаннем.
Беларусы ў сацсетках дамаўляюцца сустракаць нашых біятланістак у Нацыянальным аэрапорце Мінск. Вялікая дэлегацыя спартсменаў з Пхёнчхана вернецца дамоў 27 лютага. Прыбыццё запланавана на 12:40.