Больш за 200 дзяцей з усіх раёнаў Гродзенскай вобласці прынялі ўдзел у абласным этапе рэспубліканскіх спаборніцтваў "Снежны снайпер" на прызы Прэзідэнцкага спартыўнага клуба. Юныя спартсмены з 19 каманд спаборнічалі ў трох узроставых катэгорыях ад 11 да 16 гадоў. На прафесійнай трасе ў біятлонным комплексе ў Навагрудскім раёне вызначылі наймацнейшых у спрынтарскай гонцы і змяшанай эстафеце.
Па выніках сённяшніх спаборніцтваў будзе сфарміравана зборная каманда Гродзенскай вобласці, якая выступіць у фінале рэспубліканскіх спаборніцтваў "Снежны снайпер" у Раўбічах.
