Беларускія гімнасткі наймацнейшым складам выступяць на чэмпіянаце свету ў Баку

Планетарны форум збярэ больш за 300 грацый з 61 краіны. Разыграюць не толькі ўзнагароды, але і ліцэнзіі на Алімпіяду ў Токіа. Беларусь у індывідуальных відах праграмы прадставяць Кацярына Галкіна, Анастасія Салас і Аліна Гарнасько. У групавых практыкаваннях выступяць Арына Цыцыліна, Анастасія Рыбакова, Карына Ярмоленка, Ганна Швайба, Ганна Гайдукевіч і Арына Сушчынская. Сёння ў сталіцы Азербайджана пройдзе цырымонія адкрыцця чэмпіянату, а ўжо заўтра пачнуцца спаборніцтвы.