Беларусь завяршыла выступленне на чэмпіянаце свету па лёгкай атлетыцы

7 Кастрычніка 2019

Завяршала выступленне зборнай Беларусі на чэмпіянаце свету па лёгкай атлетыцы ў Катары Анастасія Мірончык-Іванова. Яна спаборнічала ў скачках у даўжыню і адзін час ішла ў групе лідараў. У выніковым пратаколе беларуска замкнула топ-5 спартсменак. Адзначым таксама, што Мірончык-Іванова паўтарыла лепшы вынік сезона, скокнуўшы на адзнаку 6 метраў 76 сантыметраў. Эльвіра Герман у бегу з бар'ерамі спынілася за крок ад фінальнай васьмёркі.