Упершыню ў гісторыі жаночая зборная выходзіць у сусветную групу Кубка Федэрацыі. Гістарычную перамогу нашы дзяўчаты заваявалі ў цяжкім супрацьстаянні з расіянкамі ў Маскве. З яркай перамогай тэнісістак павіншаваў Прэзідэнт Аляксандр Лукашэнка.
"Уся краіна з заміраннем сэрца сачыла за ўпартымі паядынкамі, у якіх вы прадэманстравалі вельмі высокую вытрымку і волю да перамогі. Вялізнае дзякуй вам за гэтую перамогу! Упэўнены, што вы зможаце замацавацца на заваяваных пазіцыях і падарыць нам у будучыні шмат станоўчых эмоцый і незабыўных перажыванняў за Беларусь на самых буйных тэнісных турнірах".
Асабліва цёпла Кіраўнік дзяржавы павіншаваў Вікторыю Азаранку і Аляксандру Сасновіч, якія ў Маскве прыклалі максімум намаганняў на кортах для гэтай яркай перамогі.
