БАТЭ сустрэнецца з нямецкім "Кёльнам"

Футбалісты барысаўскага БАТЭ сёння завершаць першы круг групавога этапа Лігі Еўропы дамашнім паядынкам з нямецкім "Кёльнам". Гульню, якая пачнецца ў 8 вечара на полі "Барысаў-Арэны", будзе судзіць брыгада турэцкіх арбітраў. Матч у прамым эфіры пакажа "Беларусь 5". Абедзве каманды не вельмі ўдала правялі стартавыя матчы групы Н. Становішча пасля двух гульнявых дзён: "Арсенал" - 6 ачкоў, "Црвена Зорка" - 4, БАТЭ - 1, "Кёльн" - 0.