Быць або не быць беларускай камандзе ў групавой стадыі самага прэстыжнага футбольнага турніру Еўропы. БАТЭ стартаваў у кваліфікацыі Лігі чэмпіёнаў хатнім матчам з ірландскім "Дандалкам".
Беларускі клуб напярэдадні сустрэчы лічыўся фаварытам, але вось госці былі супраць, што і паказалі на футбольным полі. Рэпартаж Паўла Капуцкага. Гульцы, якія ўважліва слухаюць трэнера БАТЭ і спадзяюцца на адзін з нацыянальных сімвалаў, а менавіта канюшына, ірландцы. Банэр барысаўскіх фанатаў, не без долі гумару намякаў - шанцаў у "Дандалка" няма. І калі Карніцкі ужо на 11-й хвіліне з перадачы Радзівонава адкрыў лік, менавіта так усё і выглядала.
Але некалькі ўдалых ірландскіх атак - і "Барысаў-Арэна" разумее: не прапусціць будзе складана. За 15 хвілін да канца першай паловы Макмілан забівае. Гол на чужым полі ў такіх дуэлях мае асобую вагу, 1:1.
Шлях у групавую стадыю Лігі чэмпіёнаў цярністы. Дуэль з "Дандалкам" - толькі пачатак. Затым трэці кваліфікацыйны раўнд. Пасля яго - плэй-оф. Куш матывуе любога: прызавыя 12 мільёнаў еўра і матчы з лепшымі клубамі Еўропы. Яблонскі забіў пасля адскоку, што не робіць яго гол менш каштоўным.
11 з паловай тысяч гледачоў "Барысаў-Арэны" сталі-такі сведкамі перамогі каманды, 2:1. Але ірландцы вяртаюцца дахаты з нядрэнным настроем. У гасцях ім атрымалася забіць камандзе, якая чатыры разы за апошнія сем гадоў гуляла ў эліце еўрафутбола.
Перамога БАТЭ на "Барысаў-Арэне" важная, але не з'яўляецца вырашальнай. Праз тыдзень каманды згуляюць у Ірландыі. Менавіта там і вызначыцца, хто згуляе ў трэцім кваліфікацыйным раўндзе, а для каго еўракубкавы сезон завершыцца, так і не пачаўшыся.
