Арына Сабаленка правядзе першы матч на "Ралан Гарос". Саперніца беларускі - Джэсіка Пегула

29 сентября 2020
Арына Сабаленка сёння правядзе першы матч на Адкрытым чэмпіянаце Францыі па тэнісе. Раней  стартавы бар'ер турніру   Вялікага шлема пераадолелі Аляксандра Сасновіч і Вікторыя Азаранка. Арыне Сабаленцы, якая на "Ралан Гарос" пасеяна пад восьмым нумарам, дасталася 60-я ракетка свету - амерыканка Джэсіка Пегула. Гульня пройдзе вечарам. Нагадаем, прамыя трансляцыі з Францыі вядуць каналы Белтэлерадыёкампаніі.