Беларускія спартсменкі заваявалі пяць медалёў на чэмпіянаце Еўропы па спартыўнай барацьбе. Спаборніцтвы праходзяць у Венгрыі для атлетаў да 15 гадоў. Так, чэмпіёнкай у вагавай катэгорыі 66 кг стала Анастасія Команава.
Таксама ў скарбонцы беларусаў - два сярэбраныя і два бронзавыя медалі. Другое месца заваявалі Дар'я Нагорная і Варвара Алісеенка. А бронза дасталася Анастасіі Кавальчук і Сафіі Зуевай. Спаборніцтвы ў Венгрыі завершацца 9 ліпеня.
