Аляксандра Герасіменя сёння развіталася з вялікім спортам. Беларуская плыўчыха, трохразовы прызёр Алімпійскіх гульняў, прыняла ўдзел у дабрачынным марафоне ў дапамогу дзецям з аўтызмам "24 РАЗАМ". У плавальным басейне спартыўнага комплексу "Трактар" залатая рыбка пераадолела дыстанцыю 50 м. Пасля чаго падзякавала ўсім прысутным за падтрымку на працягу ўсіх гэтых гадоў.
Нагадаем, марафон завершыцца сёння ў 18:00. У акцыі прымаюць удзел зоркі беларускага спорту, каманды, прадстаўнікі спартыўных федэрацый, СМІ і знакавыя беларускія брэнды. Па выніках праекта "24 РАЗАМ" дапамога на суму 50 000 рублёў будзе накіравана Міжнароднай дабрачыннай грамадскай арганізацыі "Дзеці. Аўтызм. Бацькі" і праекту "Спорт-інклюзія", які курыруе Аляксандра Герасіменя.
