Дзве пераможныя партыі і як вынік - Арына Сабаленка выходзіць у 1/8 фіналу заключнага ў сезоне турніру "Вялікага шлема" Адкрытага чэмпіянату ЗША. Першая ракетка Беларусі і на сёння 2-я ў свеце перайграла амерыканку Даніэль Колінз, 6:3, 6:3. Пры гэтым апанентка Арыны традыцыйна зручная для яе саперніца - у папярэдніх дзвюх сустрэчах Сабаленка нязменна перамагала, гэтым разам за гадзіну і 29 хвілін.
А ў 1/8 фіналу Сабаленка згуляе са сваёй сяброўкай па парных турнірах - бельгійкай Эліс Мертэнс, сустрэча паміж імі адбудзецца заўтра.













