А. Раманоўская заваявала серабро этапа Кубка свету па фрыстайле

Беларускія фрыстайлісты пачынаюць і выйграюць. Першы ў сезоне этап Кубка свету па лыжнай акрабатыцы стаў медальным для нашых спартсменаў. Дзеючая чэмпіёнка свету Аляксандра Раманоўская  чарговы раз прадэманстравала сусветны ўзровень беларускага фрыстайла.

На схіле ў кітайскім Шымаа Лотус Маунцін наша Аляксандра выйграла серабро, уступіўшы толькі гаспадыні, кітаянцы Ксю Ментаа. Медальныя прэтэнзіі беларускіх фрыстайлістаў даўно не выклікаюць ні ў каго здзіўлення. Нашы лыжныя акрабаты кожны год -  адны з галоўных спартыўных ньюсмейкераў.

Яшчэ ні разу нашы спартсмены не вярталіся без медалёў Алімпійскіх гульняў. Больш за тое, зараз мы гаворым не толькі аб колькасці, але і аб якасці гэтых узнагарод. Дзмітрый Дашчынскі стаў першым беларускім прызёрам Алімпіяды, У Нагана ён выйграў бронзу. Праз 21 год у саставе нашай зборнай чатыры алімпійскія чэмпіёны - Аляксей Грышын, Антон Кушнір, Ала Цупер і Ганна Гуськова. Усяго ж у скарбонцы каманды - 7 узнагарод алімпійскіх гульняў. На чэмпіянатах свету да гэтага моманту нашы фрыстайлісты выйгралі 8 медалёў, сярод іх 2 золата. І, вядома ж, этапы кубкаў свету. Колькасць узнагарод, заваяваных беларусамі на гэтых стартах, ужо пераваліла за сотню (відэа).