45 спартсменаў з 9 беларускіх ВНУ адпраўляюцца на летнюю Універсіяду - 2019

Ад Еўрапейскіх гульняў пераходзім да самай маштабнай спартыўнай падзеі для студэнтаў: учора ў гарадской ратушы адбылася ўрачыстая адпраўка нацыянальнай зборнай на летнюю Універсіяду - 2019. Яна стартуе ў італьянскім Неапалі 3 ліпеня. 120 краін-удзельніц і больш за шэсць тысяч атлетаў прэтэндуюць на 222 камплекты медалёў. Беларуская зборная складаецца з 45 спартсменаў з 9 ВНУ краіны і выступіць у 8 відах спорту.

Віктар Трус, капітан зборнай Беларусі: "Рыхтуюся, у прынцыпе як да ўсіх стартаў, адказна і ўпэўнена. Хто будзе, не ведаю, але мяркую. Склад вельмі сур'ёзны, але і я не маленькі".

Ігар Карпенка, Міністр адукацыі Беларусі: "Усё гэта тыя крокі, якія ўмацоўваюць у цэлым спартыўны складнік сістэмы адукацыі і паднімаюць прэстыж, у тым ліку і міжнародны, нашай краіны і нашай Асацыяцыі студэнцкага спорту".

Беларусь на летняй Універсіядзе выступае з 1993 года, за гэты час зборная паклала ў скарбонку 227 медалёў, 65 з якіх - залатыя. Найвышэйшыя вынікі нашы студэнты дэманструюць у лёгкай атлетыцы.