29 лістапада хварэем за нашых біятланістак. У Эстэрсундзе пройдзе жаночая індывідуальная гонка. Прамую трансляцыю будзе весці "Беларусь 5". Пачатак у 19:05. А за паўгадзіны да старту - прэм'ера праграмы "Агнявы рубеж". З Эстэрсунда наш карэспандэнт Ганна Эйсмант.
Пасля насычанага стартавага дня з дзвюма гонкамі этап у Эстэрсундзе ўзяў двухдзённую паўзу. Напярэдадні ў каманд быў выхадны, сёння праходзяць трэніроўкі, а з заўтрашняга дня пачнуцца індывідуальныя гонкі.
Спартсмены рыхтуюцца да яшчэ аднаго выпрабавання - у Эстэрсунд прыйшлі сапраўдныя маразы, сёння мінус 10, а адчуванне на мінус 20. Першымі правераць на сабе моцныя маразы на дыстанцыі жанчыны - заўтра індывідуальная гонка.
Перад умовамі надвор’я ўсе роўныя, але тут яшчэ многае будзе залежаць і ад сервісменаў і, вядома, ад саміх спартсменак: як справяцца з хваляваннем – усё-такі стартавы этап. І зараз шанц заняць месца на п’едэстале ёсць практычна ў кожнай з групы лідараў - так лічыць расійскі каментатар Дзмітрый Губерніеў.
І яшчэ адна прыемная навіна для балельшчыкаў - заўтра за паўгадзіны да старту жаночай індывідуальнай гонкі на тэлеканале "Беларусь 5" адбудзецца прэм'ера новай праграмы аб біятлоне "Агнявы рубеж" - эксклюзіўныя інтэрв'ю, у тым ліку і з Эстэрсунда, эксперты ў студыі і ўсё самае цікавае, што звычайна застаецца за кадрам і не трапляе ў трансляцыі. Вядучая праграмы - каментатар "Беларусь 5" Ганна Любянкова.
Такім чынам, заўтра, 29 лістапада, у 18:35 вашай увазе праграма "Агнявы рубеж", а следам за ёй у 19:05 прамая трансляцыя з Эстэрсунда - жаночая індывідуальная гонка. Глядзіце "Беларусь 5" і хварэем за нашых спартсменаў!
