Падчас наведвання вёскі спартсменаў Аляксандр Лукашэнка адказаў на пытанні журналістаў

Некаторы час СМІ спрабуюць разабраць па костачках сітуацыю вакол былога намесніка дзяржсакратара Савета бяспекі Андрэя Уцюрына. Чыноўніка затрымалі на месцы злачынства пры атрыманні хабару ў амаль сто пяцьдзясят тысяч долараў. 

Аднак прэса зачапілася за важны факт з біяграфіі Уцюрына: некалькі гадоў ён быў начальнікам службы бяспекі Кіраўніка дзяржавы. Аляксандр Лукашэнка заўсёды вельмі шчыра адказвае на падобныя пытанні ад журналістаў, так атрымалася і  гэтым разам, падчас наведвання Прэзідэнтам вёскі спартсменаў ІІ Еўрапейскіх гульняў, пра якое мы раскажам у другой частцы праграмы. 

Дык вось аб Уцюрыну. Так, існуе кадравы рэзерв Прэзідэнта - прыкладна 800 чалавек. І ў гэтых людзей ёсць своеасаблівая індульгенцыя ад беларускага лідара, г.зн. без ведама Кіраўніка дзяржавы яны не могуць пакінуць пасаду або стаць фігурантамі крымінальнай справы. Але і адказнасць за ўчыненыя злачынствы цалкам іншага ўзроўню. Як адзначыў Аляксандр Лукашэнка, пакаранне за злачынствы, учыненыя высокімі чынамі, павінна быць надзвычай строгім. 

І яшчэ адна гарачая тэма апошніх тыдняў. Сітуацыя на айчынных нафтаперапрацоўчых заводах, якія пацярпелі ад прымешак хларыду, што прыйшлі да нас разам з расійскай нафтай. Сёння цалкам завяршылася ачыстка Мазырскага нафтаперапрацоўчага завода ад той самай бруднай нафты. Сам НПЗ працуе на штатнай магутнасці, аднак забыць пра чорныя наступствы таго пападання хларыду ў сыравіну так хутка не атрымаецца. 

Як і любыя няроўнасці паміж Мінскам і Масквой, за апошні месяц нафтавая неспадзяванка абрасла чуткамі і здагадкамі, маўляў, так Беларусь помсціць за падатковы манеўр. Вядома, да рэчаіснасці гэта не мае ніякага дачынення, наша прамысловасць прыняла на сябе ўвесь удар, але катастрофы з гэтага рабіць не плануем. Расійскі бок прызнаў адказнасць і не павінен аспрэчваць кампенсаванне шкоды. Пра гэта напярэдадні гаварыў і Прэзідэнт у размове з журналістамі.