У палацы "Агузхан" праходзіць цырымонія афіцыйнай сустрэчы Аляксандра Лукашэнкі з прэзідэнтам Туркменістана Гурбангулы Бердымухамедавым. Пасля сумеснага фатаграфавання пройдуць перамовы двух лідараў, па выніках якіх будуць падпісаныя міжнародныя дакументы.
Адносіны паміж Мінскам і Ашхабадам даўно выйшлі за рамкі проста сяброўскіх. Дзве краіны заклалі калійны падмурак будучага стратэгічнага супрацоўніцтва. У туркменскіх Каракумах Беларусь пад ключ будуе Гарлыкскі горна-ўзбагачальны калійны камбінат. Кошт праекта - адзін мільярд долараў. Чакаецца, што падчас візіту прэзідэнты Беларусі і Туркменістана наведаюць сумесную беларуска-туркменскую выставу-кірмаш.
