А што яшчэ - спытаемся ў нашага палітычнага аглядальніка Наталлі Брэвус (прамое ўключэнне).
За час пандэміі журналісты замаркоціліся па міжнародных сустрэчах! На жаль, эпідэмічная абстаноўка прымусіла літаральна замерці жыццё на планеце! Усе краіны больш былі засяроджаныя на ўнутраных пытаннях. Добра, што Беларусь абыходзіцца без залішніх забарон, граніцы не закрывала, таму і прэм'ер-міністр Венгрыі можа спакойна прыляцець. Дарэчы, у самой Венгрыі ўжо паступова здымаюць абмежаванні і рыхтуюцца адмяніць рэжым надзвычайнай сітуацыі, які быў уведзены з-за каранавіруса.
Аляксандр Лукашэнка правядзе перамовы з прэм'ер-міністрам Венгрыі
Тут, у Палацы Незалежнасці, усё гатова да сустрэчы госця. І гэты візіт таксама можна расцэньваць як своеасаблівы добры знак, як і тое, што свет паступова адкрываецца - жыццё ідзе і трэба рухацца далей!Але немалая ўвага да гэтых перамоў прыкаваная яшчэ і таму, што кіраўнік венгерскага ўрада ў нас упершыню з афіцыйным візітам. Хоць на пасадзе прэм'ера ён з 2010 года, а ў палітыцы ўжо даўно.
Відавочна, што без палітычных тэм не абыдзецца на сустрэчы. Будапешт выканаў не апошнюю ролю ў паляпшэнні адносін Беларусі з ЕС. І ў Мінску гэта шануюць. Венгры па сабе ведаюць, што такое крытыка Бруселя. Дастаецца гэтай краіне ЕС перыядычна і за нацыянальную палітыку, і за жорсткую пазіцыю прэм'ера па пытаннях міграцыі, і за знешнепалітычны курс "адкрытасці Усходу"…
Не сумняваемся, што ў цэнтры ўвагі лідараў будзе сітуацыя ў рэгіёне і свеце, супрацоўніцтва па лініі Беларусь - ЕС, у тым ліку ў фармаце "Усходняга партнёрства". Ну і плюс эканоміка, вядома. Нягледзячы на трывалы фундамент двухбаковых адносін, тавараабарот падрос летась на траціну - гэта ўжо чвэрць мільярда долараў - ёсць патэнцыял. Перспектыву бачаць, напрыклад, у стварэнні сумесных вытворчасцяў.
