Уладзімір Пуцін запрасіў Аляксандра Лукашэнку на адкрыццё мемарыяла Савецкаму салдату

24 июня 2020
Сёння Прэзідэнт Расіі запрасіў свайго беларускага калегу на адкрыццё мемарыяла Савецкаму салдату пад Ржэвам. Мерапрыемства адбудзецца 30 чэрвеня ў Цвярской вобласці. Ініцыятарам гэтага манументальнага праекта, дарэчы, стала Саюзная дзяржава Беларусі і Расіі. У сувязі з вядомымі падзеямі графік Аляксандра Лукашэнкі зараз вельмі напружаны. Таму, паводле нашай інфармацыі, аб прынятым рашэнні ў дачыненні ўдзелу ў адкрыцці манумента будзе вядома ў найбліжэйшы час.