Разам аб Радзіме і міры спяваюць у гэтыя хвіліны 2 тысячы чалавек. Ва ўрачыстай акцыі "Малітва за Беларусь" удзел прымае Кіраўнік дзяржавы.
Цырымонія праходзіць ля храма-помніка ў гонар Усіх святых. Усіхсвяцкі - адзіны ў краіне мемарыяльны храм. У сімвалічнай крыпце беларускай пахавальні астанкі салдат трох войнаў: 1812 года, Першай і Другой сусветных. Сёння ў нішах храма ўвекавечылі памяць беларускіх воінаў, якія загінулі ўдалечыні ад Радзімы. Кіраўнік дзяржавы разам з трыма сынамі прыняў удзел у цырымоніі закладкі капсул з зямлёй з месцаў пахавання.
Пасля ў цёплай атмасферы Белай залы храма за чаяваннем праваслаўныя, католікі, мусульмане, іудзеі разам з Прэзідэнтам гаварылі пра ўзаемадзеянне царквы і дзяржавы. Сустрэча атрымалася па-сапраўднаму душэўнай. Да малітоўнага свята ля Усіхсвяцкага храма прымеркаваная і вялікая царкоўная падзея. У Мінск прыбыла цудатворная ікона Божай Маці "Замілаванне" - абраз, якому на працягу ўсяго жыцця маліўся сам Серафім Сароўскі. Маршрут па гарадах і краінах адзінай на планеце двухбаковай міратачывай іконы распісаны на год наперад. Копію святыні протаіерэй Фёдар Поўны сёння паднёс Кіраўніку дзяржавы.
