Падаспеў і другі хлеб. Сёлета ў Беларусі аграрыі чакаюць добры ўраджай бульбы. Па прагнозах, ён будзе на 10-15% вышэйшы за леташні.
Сёння на сваім участку працаваў і Кіраўнік дзяржавы. У насычаным графіку Прэзідэнта выдаўся адносна свабодны дзень, і Аляксандр Лукашэнка прысвяціў яго клопатам на зямлі. Фронт работ быў вялікі. Убрана бульба з плошчы 3 гектары. Працаваць вось так, разам, ужо стала традыцыяй. Пры гэтым ураджаем беларускі лідар дзеліцца з выхаванцамі прытулкаў і пажылымі людзьмі. Прэзідэнт (нягледзячы на высокую пасаду і шчыльную загружанасць) з задавальненнем працуе на ўласным падворку. Не раз Кіраўнік дзяржавы падкрэсліваў, што есці трэба тое, што расце на роднай зямлі. І дэманструе гэта на сваім прыкладзе. Энтузіязмам Аляксандр Лукашэнка зараджае родных і тых, хто кожны дзень працуе з кіраўніком краіны. Такія працоўныя выхадныя сталі ўжо звыклымі. Не падвяло і надвор'е - такое, як сёння, спрыяе працы на зямлі.
Працавалі цэлы дзень. У выніку сабрана 105 тон якасных клубняў. Ураджайнасць на полі Прэзідэнта - 350 цэнтнераў з гектара. Аграрыі называюць гэты год ідэальным для бульбы.
