Прэзідэнт Аляксандр Лукашэнка напярэдадні сустрэўся з вярхоўным галоўнакамандуючым Узброенымі сіламі М'янмы Мін Аунг Хлаінгам. Зараз бакі працуюць над развіццём дагаворна-прававой базы. Мінск гатовы да актыўнага ўзаемадзеяння. У сваю чаргу Мін Аунг Хлаінг падзякаваў беларускаму боку за добрую арганізацыю візіту, а таксама адзначыў вялікую зацікаўленасць яго краіны ў тым, каб Прэзідэнт М'янмы неўзабаве наведаў Мінск.
Пазней вярхоўны галоўнакамандуючы адправіўся ў Міністэрства абароны нашай краіны. Высокага госця прыняў кіраўнік ведамства Юрый Жадобін. На сустрэчы члены дэлегацыі азнаёміліся з працэсам баявой падрыхтоўкі ў 72-ім гвардзейскім Аб'яднаным навучальным цэнтры. Тут ваеннаму рамяству навучаюцца прапаршчыкі і малодшыя спецыялісты. Таксама падчас візіту дэлегацыя М'янмы наведала Ваенную акадэмію Беларусі.
