У сваім выступленні Аляксандр Лукашэнка зрабіў акцэнт на мірных ініцыятывах і глабальных пагрозах бяспецы
Кіраўнік беларускай дзяржавы, у прыватнасці, выказаў заклапочанасць у сувязі з глабальным палітычным і эканамічным супрацьстаяннем паміж вядучымі сусветнымі дзяржавамі. Аляксандр Лукашэнка згадаў аб спыненні дзеяння Дагавора аб ракетах сярэдняй і меншай далёкасці, таму Беларусь выступіла з прапановай прыняць шматбаковую палітычную дэкларацыю адказных краін аб неразмяшчэнні гэтай зброі ў Еўропе.Тым больш актуальнай бачыцца яшчэ адна беларуская ініцыятыва аб аднаўленні поўнафарматнага дыялогу па пытаннях міжнароднай бяспекі (так званыя "Хельсінкі-2").
"З улікам горкіх урокаў гісторыі Беларусі мы таксама заклікаем аднавіць шырокі дыялог па пытаннях міжнароднай бяспекі па аналогіі з Хельсінкскім працэсам, накіраваць яго на пераадоленне наяўных супярэчнасцяў ва ўзаемаадносінах паміж дзяржавамі на агульнай прасторы ў Еўраатлантыцы і Еўразіі" - адзначыў у сваім выступленні беларускі лідар.
Была ўзнята і тэма колькасці групоўкі НАТА на заходніх межах АДКБ і ў непасрэднай блізкасці ад межаў Беларусі.
Хаця такая колькасць войскаў і не ўяўляе прамой ваеннай пагрозы, аднак такая мілітарызацыя вымушае выпрацоўваць адэкватныя меры ў адказ дыпламатычнага, інфармацыйнага і ваеннага характару. У цэлым падкрэслена неабходнасць пазбегнуць новай гонкі ўзбраенняў. Па словах Кіраўніка дзяржавы, рэгіянальныя ўзброеныя канфлікты застаюцца адной з асноўных крыніц палітычных, ваенных і тэрарыстычных пагроз, а таксама нелегальнай міграцыі і незаконнага транзіту зброі. Прыклад таму - Украіна, на ўсходзе якой ужо пяты год працягваецца ўзброенае супрацьстаянне, гінуць людзі, сярод якіх і мірныя жыхары.Беларусь вітае прагрэс, што намеціўся ў пытаннях выканання мінскіх пагадненняў, і пачатак канструктыўнага дыялогу ў рамках трохбаковай кантактнай групы. Размова атрымалася вельмі грунтоўнай, якая ў прамым сэнсе закранае жыццёва важныя пытанні.
Па выніках саміту журналісты пацікавіліся меркаваннем Кіраўніка беларускай дзяржавы наконт далейшай ролі АДКБ.
Станіслаў Зась - новы Генеральны сакратар АДКБ
Сёння на саміце зацвердзілі і новага Генсакратара АДКБ. На гэтую пасаду прызначаны Дзяржсакратар Савета бяспекі Беларусі Станіслаў Зась. Выконваць свае абавязкі ён пачне 1 студзеня.
Сустрэча прэзідэнтаў Беларусі і Кыргызстана
Саміты - гэта яшчэ і пляцоўка для двухбаковых сустрэч, магчымасць ацаніць стан і перспектывы адносін паміж краінамі. Аляксандр Лукашэнка правёў перамовы са сваім калегам - кіраўніком Кыргызстана Сааранбаем Жээнбекавым. Наша краіна пацвярджае гатоўнасць развіваць супрацоўніцтва. У гэтым плане ёсць куды імкнуцца і ў частцы павелічэння ўзаемнага гандлю, і рэалізацыі намечаных праектаў. У самы найбліжэйшы час Беларусь і Кыргызстан абмяркуюць пункты росту свайго партнёрства. Чарговае пасяджэнне двухбаковай міжурадавай камісіі па гандлёва-эканамічным супрацоўніцтве плануецца правесці ў Мінску.
