Пра гэта сёння ішла размова на сустрэчы Прэзідэнта Аляксандра Лукашэнкі з міністрам прыродных рэсурсаў і аховы навакольнага асяроддзя. На гэтай пасадзе Андрэй Каўхута крыху больш за месяц і гэта яго першая асабістая сустрэча з Кіраўніком дзяржавы. Адно з даручэнняў Прэзідэнта - прымяненне эканамічных падыходаў у выкарыстанні прыродных рэсурсаў. Тэматычная нарада з удзелам Кіраўніка дзяржавы павінна адбыцца ў канцы года. Чакае Прэзідэнт і ініцыятыў па лініі міжнароднага супрацоўніцтва.
І сёння ж Аляксандр Лукашэнка прыняў з дакладам Міністра транспарту і камунікацый Анатоля Сівака. На сустрэчы гаворка ішла пра будаўніцтва другой узлётнай паласы ў Нацыянальным аэрапорце Мінск, працу электроннай сістэмы платных дарог BelToll. Анатоль Сівак таксама далажыў Кіраўніку дзяржавы пра тэмпы і якасць будаўніцтва МКАД-2. Першы ўчастак ад Астрашыцкага гарадка да М6 завершаць ужо сёлета.