Сёння пра гэта гаварылі ў Палацы Незалежнасці. Як адзначылі на нарадзе ў Прэзідэнта, гэтая галіна ў Беларусі актыўна развіваецца, з'явіліся прапановы па яе карэкціроўках. Тытунёвыя фабрыкі з'яўляюцца буйнымі падаткаплацельшчыкамі. Толькі па выніках гэтага года чакаецца паступленне ў казну больш за мільярд рублёў. Як асобна падкрэсліў Аляксандр Лукашэнка, любыя змяненні ў галіне павінны адпавядаць інтарэсам дзяржавы.
Наяўная ў Беларусі сістэма дзяржрэгулявання ў тытунёвай галіне дазваляе працаваць дастаткова эфектыўна. Сёння ў Палацы Незалежнасці абмеркавалі і крокі па прыцягненні прыватнага капіталу. Інвестар гатовы ўкласці каля 122 мільёнаў рублёў у мадэрнізацыю Гродзенскай тытунёвай фабрыкі.
Вытворчасць тытунёвых вырабаў у Беларусі з пачатку 2000 вырасла ўтрая. Экспарт павялічыўся ў 16 разоў. На ўнутраным рынку больш за 95 % займаюць айчынныя цыгарэты.