Прэзідэнт Беларусі прыбыў з рабочым візітам у Казахстан. У вузкім фармаце
Аляксандр Лукашэнка прымае ўдзел у сесіі Савета АДКБ. У Палацы Незалежнасці ў Астане адбылася цырымонія прывітання прэзідэнтам Казахстана кіраўнікоў дзяржаў - удзельнікаў арганізацыі.
У гэтыя хвіліны перамовы кіраўнікоў дзяржаў - удзельнікаў АДКБ праходзяць у вузкім фармаце. Крыху пазней лідары сустрэнуцца і ў пашыраным. На парадку дня дня 23 пытанні - абмеркаванне актуальных праблем міжнароднай і рэгіянальнай бяспекі, тэматыка ўзаемадзеяння на міжнароднай арэне, а таксама пытанні дзейнасці АДКБ, уключаючы кадравыя, арганізацыйныя і фінансавыя аспекты. Па выніках саміту прадугледжана падпісанне шэрагу міжнародных дакументаў.
Перад сустрэчай кіраўнікоў дзяржаў парадак дня на першым сумесным пасяджэнні ўзгаднілі сілавыя ведамствы і міністры замежных спраў шасці дзяржаў - членаў арганізацыі, уключаючы Беларусь. Саюзнікі аформілі статусы назіральнікаў і партнёраў АДКБ. Гэта пашырыць магчымасці арганізацыі на міжнароднай арэне. У прыярытэтах таксама мадэрнізацыя структуры кіравання АДКБ і Калектыўных сіл аператыўнага рэагавання і стратэгія па барацьбе з незаконнай міграцыяй да 2025 года.
Усяго па выніках пасяджэння было ўзгоднена і падпісана больш за два дзясяткі рашэнняў. Большасць з іх носіць закрыты характар і тычыцца развіцця арганізацыі.
Акрамя таго, на ўзроўні міністраў абароны і замежных спраў, сакратароў Саветаў Бяспекі прайшла цырымонія перадачы старшынства ў АДКБ ад Казахстана да Кыргызскай рэспублікі. Жэзлы - сімвалы арганізацыі - былі перададзеныя з рук у рукі.
Усе падрабязнасці ў нашых наступных выпусках.
