З перамогай на выбарах Кіраўніка беларускай дзяржавы павіншаваў Прэзідэнт Сацыялістычнай Рэспублікі В'етнам Чыонг Тан Шанг. У апошнія гады сяброўства і супрацоўніцтва паміж В'етнамам і Беларуссю ўмацоўваюцца і развіваюцца. Прэзідэнт В'етнама адзначыў, што на аснове традыцыйнага сяброўства бакі актыўна рэалізуюць пагадненні, дасягнутыя на вышэйшым узроўні, супрацоўнічаюць у галінах палітыкі, эканомікі, гандлю, культуры, адукацыі, бяспекі, абароны. З падпісаннем пагаднення аб свабодным гандлі паміж В'етнамам і ЕАЭС беларуска-в'етнамскія адносіны атрымалі новыя магчымасці для больш эфектыўнага развіцця.
Аляксандра Лукашэнку з перавыбраннем на вышэйшую дзяржаўную пасаду павіншавалі Прэзідэнт Грузіі Георгій Маргвелашвілі, Прэзідэнт Сірыйскай Арабскай Рэспублікі Башар Асад.
