Аляксандр Лукашэнка прызначыў Анатоля Сівака старшынёй Мінгарвыканкама.
Раней ён займаў пасаду міністра транспарту і камунікацый. Перад граданачальнікам стаіць нямала сур'ёзных задач: разабрацца з кадравымі пытаннямі ў сталічным апараце, неабходна звярнуць увагу і на карупцыю. Усё гэта патрабуе выпраўлення і ў сціснутыя тэрміны. Пры выбары мэра разглядалася больш за 10 кандыдатур, аднак перавагу аддалі адказнаму і эфектыўнаму кіраўніку.
Мінск не проста сталіца - эканамічнае, культурнае і палітычнае сэрца Беларусі. З кожным годам расце колькасць турыстаў, праходзяць міжнародныя форумы. І асобная ўвага II Еўрапейскім гульням. Да спартыўнага форуму горад павінен не проста змяніцца, а стаць яшчэ больш зручным, утульным і для шматлікіх гасцей, і жыхароў. У такіх справах заўсёды важны свежы погляд. Таму Кіраўнік Адміністрацыі Прэзідэнта Наталля Качанава яшчэ раз адзначыла: змена граданачальніка - не надзвычайная сітуацыя, а планамерная ратацыя кадраў.
Анатоль Сівак сёння ж адправіўся прымаць справы ў Мінгарвыканкам - часу мала. Як адзначыў Кіраўнік дзяржавы, на поўнае паглыбленне ў праблемы і жыццё горада ў наваспечанага мэра ёсць тры тыдні. Пасля Аляксандр Лукашэнка наведае Мінгарвыканкам, каб сустрэцца са сталічным актывам і кіраўніцтвам горада для грунтоўнай і сур'ёзнай размовы. Таксама адзначым, што былы старшыня Мінскага выканкама Андрэй Шорац будзе пераведзены на іншае месца працы.
