Ля Палаца Сербіі ў суправаджэнні ганаровай варты адбылася цырымонія сустрэчы Аляксандра Лукашэнкі

Працягваецца візіт Кіраўніка беларускай дзяржавы ў Сербію. Сёння асноўны дзень перамоў афіцыйных Мінска і Бялграда. Меней за гадзіну таму ля Палаца Сербіі пад гімны дзвюх краін і ў суправаджэнні ганаровай варты адбылася цырымонія сустрэчы Аляксандра Лукашэнкі. У гэтыя хвіліны двухбаковае партнёрства кіраўнікі дзяржаў абмяркоўваюць адзін на адзін, далей у пашыраным складзе. На парадку дня - развіццё палітычнага дыялога і эканамічнага ўзаемадзеяння паміж дзяржавамі. Звяртаючыся да свайго калегі Аляксандра Вучыча, беларускі лідар выказаў упэўненасць, што краіны выведуць адносіны на больш высокі ўзровень, у тым ліку ў гандлі, што адаб'ецца на павелічэнні тавараабароту. Першыя вынікі чакаюцца падчас цяперашняга візіту. У прысутнасці прэзідэнтаў сёння падпішуць дзясятак дакументаў. А дамоўленасці дзелавых колаў на бізнес-форуме, які праходзіць паралельна перамовам, папярэдне ацэньваюць на 100 мільёнаў долараў. Падрабязнасці другога дня афіцыйнага візіту Прэзідэнта ў Сербію ў нашых наступных выпусках.