Сёння Кіраўнік дзяржавы правёў рабочую сустрэчу са старшынёй Вярхоўнага суда Беларусі Валянцінам Сукалам. Асноўная тэма, якая цікавіла Аляксандра Лукашэнку, - правядзенне судова-прававых рэформ у краіне. У першую чаргу яны павінны быць накіраваныя на абарону правоў і інтарэсаў простых грамадзян.
Валянцін Сукала адзначыў, што судова-прававая рэформа ў краіне праходзіць у комплексе. Яна закранула не толькі працу судоў, але і органаў папярэдняга расследавання, юстыцыі і судовай экспертызы. Сёння ў парламенце знаходзяцца некалькі законапраектаў, якія дэпутаты разгледзяць на вясновай сесіі.
Валянцін Сукала, старшыня Вярхоўнага суда Беларусі: "Больш гэта звязана са змяненнямі ў заканадаўства. У першую чаргу з новай рэдакцыяй аб судаўладкаванні і новым статусе суддзяў. Гэта звязана з аб'яднаннем судовых сістэм. І другое - нам трэба прынцыпова змяняць судаводства. Удасканальваць яго, рабіць яго больш эканамічным, больш сучасным, больш аператыўным, і для гэтага мы ўносім прапанову аб спрашчэнні судаводства, у першую чаргу крымінальнага, і пераходзім на апеляцыю".
Рэфармаваць прававую і судовую сістэму Кіраўнік дзяржавы даручыў 3 гады таму. За гэты час з 54 даручэнняў Аляксандра Лукашэнкі выканана 48, астатнія завершаць сёлета.