Будаўніцтва Нацыянальнага выставачнага цэнтра абмеркавалі ў Кіраўніка дзяржавы

14 Мая 2019
На сусветнай арэне Беларусь усё часцей выступае гаспадыняй розных міжнародных форумаў, адзін з найбліжэйшых  спартыўны - Еўрапейскія гульні. Па-першае, за Мінскам ужо замацаваўся імідж гасціннай сталіцы і партнёра, якому можна давяраць. Па-другое, у краіне ёсць мноства ўніверсальных пляцовак, якія гатовыя прымаць мерапрыемствы самага рознага ўзроўню. Тым не менш на дадзены момант у Мінску няма ні аднаго комплексу, які адказвае высокім міжнародным патрабаванням да выставачнай інфраструктуры. Праект, які стане нацыянальным, - будаўніцтва спецыялізаванага цэнтра  - сёння абмяркоўвалі ў Кіраўніка дзяржавы. Штогод у краіне праводзяцца больш за сотню выстаў, яны ахопліваюць практычна ўсе галіны эканомікі: прамысловасць, сельскую гаспадарку, будаўніцтва, турызм. Многія з іх, напрыклад, "Белагра", TIBO, "Будэкспа", MILEX маюць статус міжнародных і карыстаюцца вялікай папулярнасцю сярод дзелавых колаў, але зараз праходзяць на часовых пляцоўках і нават удалечыні ад сталіцы. Будаўніцтва новага комплексу дазволіць не толькі стварыць належныя ўмовы, але і прыцягнуць новых замежных партнёраў,  як вынік, гарантуе важкую прыбаўку нашаму экспарту. Усе падрабязнасці ў Ілоны Красуцкай. 

Выставачны комплекс "БелЭкспа" ў Мінску, які знаходзіцца літаральна цераз дарогу ад Палаца Незалежнасці, асацыюецца са шматлікімі мерапрыемствамі дзяржаўнай важнасці. Гэта і "Вялікая размова з Прэзідэнтам", тут жа Кіраўнік дзяржавы ўшаноўваў лепшых аграрыяў і выпускнікоў. Адначасова гэты ж комплекс выкарыстоўваецца для правядзення розных выстаў. Але прыйшоў час вызначацца. Краіне патрэбна новая экспапляцоўка з міжнародным статусам. 

Акрамя "БелЭкспа", на праспекце Пераможцаў у краіне ёсць яшчэ толькі адна спецыялізаваная пляцоўка - гэта выставачны комплекс індустрыяльнага парка "Вялікі камень". Вядома, гэта зручны варыянт хіба што для міжнародных партнёраў - за 14 кіламетраў аэрапорт. А  каб дабрацца з горада, прыйдзецца патраціць час. Складаная лагістыка можа сапсаваць уражанне яшчэ да мерапрыемства. 

Кіраўніку дзяржавы прапаноўвалі розныя варыянты будаўніцтва. Адзін з іх у вёсцы Малінаўка на скрыжаванні МКАД і Брэсцкай шашы. Але там ужо ёсць жылая забудова. А для Прэзідэнта інтарэсы людзей - гэта прынцыповае пытанне. Таму выбралі іншы варыянт, які задаволіў і ўрад, і Кіраўніка дзяржавы - пляцоўка каля гандлёвага цэнтра "Экспабел".

Свежы прыклад. Выстава ваеннай прамысловасці MILEX, якая адкрыецца заўтра, пройдзе на некалькіх пляцоўках: "Лініі Сталіна" (гэта за 20 кіламетраў ад сталіцы) і "Мінск-Арэне". У рысах горада экспо праходзяць і на плошчах Футбольнага манежа, Палаца спорту, "Чыжоўка-Арэне". Але нават іх архітэктура не дазваляе размяшчаць буйнагабарытныя экспанаты, з мінусаў і адсутнасць адкрытых выставачных плошчаў, канферэнц-залы, пунктаў харчавання, паркоўкі. Толькі летась у краіне прайшло больш за 200 выстаў, удзельнікі - 25 тысяч беларускіх прадпрыемстваў і звыш паўтары тысячы замежных кампаній. 

Новая экспапляцоўка - гэта нацыянальны праект. Яна дазволіць стварыць умовы для развіцця выставачнай дзейнасці і прыцягнуць у краіну новых партнёраў. Праект яшчэ перагледзяць. Кіраўнік дзяржавы даручыў яго дапрацаваць у бок аптымізацыі і патаннення. Тым больш што ў краіне ўжо ёсць добры вопыт такіх рацыянальных будоўляў напярэдадні  II Еўрапейскіх гульняў.

Канцэпцыя прадугледжвае будаўніцтва 3 крытых павільёнаў, кангрэс-хола з бізнес-цэнтрам і адкрытай выставачнай пляцоўкі. Агульная плошча 30 тысяч квадратных метраў. Для параўнання, раней арганізатарам розных выстаў прыходзілася часова туліцца на 3, максімум 6 тысячах квадратаў.

Наш гандлёвы пасол за мяжой  Уладзімір Улаховіч - кіраўнік Гандлёва-прамысловай палаты. Цяжка нават падлічыць, колькі гадзін за год яму і яго калегам прыходзіцца праводзіць у самалётах. Неўзабаве адправяцца ў Шанхай, Азербайджан, Туркменістан, Румынію, Сербію. Прасоўваюць інтарэсы нашай краіны. Беларускія навінкі сярод нашых распрацовак і прадуктаў прадэманстраваны на выставах па ўсім свеце. Такая ўдалая прэзентацыя, як правіла, прыносіць кантракты на дзясяткі мільёнаў долараў. У наступным годзе ўвесь свет чакае адкрыццё Экспо ў Дубаі, дзе Беларусь таксама прадставіць свой павільён. Такія форумы - лепшая рэклама для краіны.

Улічваючы, што нацыянальны комплекс у Мінску павінен быць пабудаваны ў 2021 годзе, глядзіш, і наша краіна можа замахнуцца на правядзенне буйной міжнароднай выставы. 

Выставачна-кірмашовую дзейнасць за мяжой разам з Гандлёва-прамысловай палатай курыруе МЗС, а ў рэспубліцы - Міністэрства антыманапольнага рэгулявання і гандлю. Прапануюць вызначыць адзінага аператара для падзей такога профілю, у тым ліку кангрэсаў і дзелавых мерапрыемстваў, якія прыносяць значны прыытак нашаму экспарту. Сістэма павінна працаваць у зладжаным кіраванні - гэта ключавое даручэнне Прэзідэнта. Да заканчэння першага паўгоддзя ўрад вызначыць адказных і ўнясе адпаведныя прапановы на разгляд Кіраўніка дзяржавы.


Папулярныя

Рэкамендуемыя

Зараз чытаюць

Рэкамендуемыя