Павысіць метады папярэджання пажараў ва ўмовах анамальнай спякоты. Гэта сёння запатрабаваў Кіраўнік дзяржавы на нарадзе аб мерах па гарантаванні пажарнай бяспекі лесу, сельскагаспадарчых земляў і тарфянішчаў. Як паказвае статыстыка, эфект ад метадаў іх папярэджання ніжэйшы за норму… Анамальная спякота і адсутнасць дажджоў прывялі да надзвычайнага пажаранебяспечнага становішча ў краіне. Аляксандр Лукашэнка адзначыў, што ўсе службы - МНС, армія і мясцовыя органы ўлады - павінны быць прыведзеныя ў рэжым павышанай гатоўнасці. Пад кантроль трэба ўзяць лясы, тарфянішчы і сельскагаспадарчыя аб'екты, у тым ліку палі, дзе зараз поўным ходам ідзе ўборачная. Паводле прагнозаў сіноптыкаў, у чацвер 7 жніўня ў паўднёвых рэгіёнах ізноў чакаецца самы высокі - пяты - клас пажаранебяспекі.
Падчас нарады быў устаноўлены тэлемост з усімі рэгіёнамі краіны. Губернатары далажылі аб сітуацыі ў абласцях і мерах прафілактыкі пажараў. Таксама Аляксандр Лукашэнка запатрабаваў навесці парадак каля зон адпачынку на Мінскім моры. Паводле слоў Прэзідэнта, ён асабіста праінспектаваў сітуацыю ў раёне Мінскага мора.
Кіраўнік дзяржавы запатрабаваў ад кіраўніцтва Мінска і Мінскай вобласці неадкладна прыняць меры па навядзенні парадку. Акрамя таго, было закранутае пытанне аб неабходнасці развіцця сістэмы збору смецця і недапушчальнасці засмечвання лясоў і ўзбярэжных зон.
