Супрацоўніцтва з Расіяй і ў цэлым сітуацыя на мытні. Пра гэта ішла размова на сустрэчы Прэзідэнта з кіраўніком Мытнага камітэта Беларусі Юрыем Сянько.
Па выніках 2017 ведамства працуе эфектыўна. Грузапаток праз нашу краіну вырас, што адбілася і на паступленні плацяжоў у бюджэт. Спагнана больш сродкаў - гэта адлюстроўвае пазітыўныя тэндэнцыі ў эканоміцы. Гаворыць і аб актыўнай і празрыстай працы бізнесу.
Беларуская мытня стала больш мабільнай. Яшчэ рыхтуючыся да працы ў новых рэаліях - а з новага года ў сілу ўвайшоў Мытны кодэкс ЕАЭС, - нашы спецыялісты правялі адразу некалькі эксперыментаў. Гэта дазволіла паскорыць і аптымізаваць працэсы на мытні. Размова аб афармленні грузаў у аўтаматычным рэжыме.
Асобная тэма - праца з санкцыйнай групай тавараў. З беларускай мытні ніхто не здымаў задачы па процідзеянні спробам увесці прадукцыю, якая патрапіла пад харчовае эмбарга, на тэрыторыю Расіі. Апошні выпадак - у пачатку гэтага года. Віцебскія мытнікі спынілі адразу дзве пастаўкі садавінагароднінай прадукцыі - гранатаў і таматаў. А ў снежні спробы правезці шампіньёны і буйную партыю яблыкаў аказаліся беспаспяховымі.
Таксама Кіраўніку дзяржавы далажылі і пра вынікі барацьбы з кантрабандай і адміністрацыйнымі правапарушэннямі. Летась мытнікі канфіскавалі з незаконнага абарачэння тысячы кілаграм наркотыкаў.
