Сітуацыя ў сельскай гаспадарцы на пастаянным кантролі Кіраўніка дзяржавы. Яна ж стала прадметам абмеркавання і падчас рабочай сустрэчы Прэзідэнта з губернатарам Мінскай вобласці Анатолем Ісачанкам.
Комплексна разгледзелі сацыяльна-эканамічнае развіццё цэнтральнага рэгіёна. Вобласць развіваецца стабільна: за 7 месяцаў эканоміка паказвае 5-працэнтны рост. АПК працуе з прыбыткам, тую самую добрую прыбаўку забяспечвае мяса-малочная галіна.
Ёй, дарэчы, у свой час аказалі дапамогу, але ўсе абавязацельствы выконваюцца ў тэрмін. Што да працы прамысловасці, тут не без праблем: гэта і тыя самыя кадравыя пытанні, і неэфектыўныя прадпрыемствы, якім па-ранейшаму патрэбная падтрымка. Пазіцыя Прэзідэнта ў гэтым пытанні прынцыповая.
Кіраўніцтва вобласці вырашае зараз яшчэ некалькі задач - гэта прыцягненне інвестыцый, адкрыццё новых вытворчасцяў і вырашэнне праблемы занятасці, а таксама будаўніцтва жылля ў гарадах-спадарожніках. Абзавесціся ўласнымі квадратнымі метрамі прапаноўваюць і мінчанам, якія стаяць у чарзе на паляпшэнне жыллёвых умоў у сталіцы. Пілотным праектам стаў дом амаль на 200 кватэр у Смалявічах. Попыт на кватэру ў ім у 10 разоў перавысіў прапанаванне.
Пра гэта ў праекце "Размова ў Прэзідэнта" расказаў старшыня Мінскага аблвыканкама Анатоль Ісачанка. Ён лічыць, што сёння гарады-спадарожнікі становяцца тэрыторыяй, прывабнай для жыцця. Таму ўжо зараз карэктуюцца генпланы па ўзвядзенні там новых кварталаў.
Паралельна ідзе вялікая работа па забеспячэнні шматдзетных сем'яў кватэрамі. Зараз іх у сталічным рэгіёне 6,5 тысячы. Кожная трэцяя такая сям'я зможа вырашыць сваё жыллёвае пытанне ўжо сёлета.
Cацыяльна-эканамічнае развіццё цэнтральнага рэгіёна абмеркавалi Прэзідэнт i губернатар Мінскай вобласці
15 сентября 2019
