Вынікі маніторынгу сітуацыі ў Брэсцкай вобласці былі прааналізаваны і абмеркаваны на нарадзе аб сацыяльна-эканамічным развіцці рэгіёна. Тое, што вобласць не выканала чатыры з васьмі ключавых паказчыкаў эфектыўнасці, не можа не насцярожваць. Прэзідэнт адразу задае тон гутарцы - не даклады і абяцанні патрэбны, а аб'ектыўныя ацэнкі і шляхі вырашэння праблем. Але найперш імправізаваныя зносіны з жыхарамі райцэнтра, якія, даведаўшыся, што Прэзідэнт знаходзіцца ў іх у горадзе, сабраліся на плошчы. З Маларыты наш карэспандэнт Наталля Брэвус.
Расказвае Наталля Брэвус.
Нараду, намечаную ў Маларыцкім выканкаме, давялося затрымаць. Ведаючы, што Прэзідэнт сёння працуе ў раёне, на цэнтральнай плошчы сабраліся жыхары гарадка. Аляксандр Лукашэнка зрабіў няпланавы прыпынак - чыноўнікі пачакаюць.
Маларыцкі - адзін з 16 раёнаў Брэсцкай вобласці. Не лепшы. Ёсць праблемы. Прэзідэнт ведае гэтыя месцы і гаворыць - Маларыту трэба па-добраму ўзварушыць.
Маніторынг сітуацыі ў рэгіёнах быў бы няпоўным без Брэсцкай вобласці. Рэгіён з выдатным ваенным мінулым.
Цікавы фармат выбірае Кіраўнік дзяржавы апошні час для працы. Не проста глядзіць працу асобных прадпрыемстваў без іх дэталёвай падрыхтоўкі, прычым мясцовыя кіраўнікі нават паціскалі плечамі - "як ёсць!", і плюс такі глабальны аналіз - як развіваецца рэгіён, якія праблемы існуюць, у чым прычына негатыву.
Ніякай надзвычайшчыны няма - з гэтага пачынае Кіраўнік дзяржавы, але ёсць неабходнасць пракантраляваць, як выконваюцца паказчыкі эфектыўнасці працы, вызначаныя ў матрыцы задач для вертыкалі ўлады. Палова года ў мінулым - можна падводзіць прамежкавыя вынікі.
На фінішы ўборачная кампанія. Але за 20 гадоў ад простага "сабраць ураджай" падышлі да глабальных пытанняў - як зрабіць сяло эфектыўным.
Брастаўчане наракаюць на мінулы складаны год, засушыла, было складана з кармамі, але, вядома, у кожнай гаспадарцы па-рознаму.
Аляксандр Лукашэнка нацэльвае вобласць на моцныя комплексы ў гаспадарках - за такім падцягваецца ўвесь раён. І Прэзідэнт, здавалася б, раптам пытае пра дысцыпліну, кадры. Менавіта ад тэхналагічнага і кіраўніцкага парадку сёння шмат у чым залежыць эфектыўнасць гаспадаркі, раёна, вобласці. У дапамогу кіраўнікам - праваахоўнікі.
Ад раёна да вобласці, хоць і лічыцца Брэстчына адной з самых цёплых, але вынікі працы не грэюць душу. Выканана толькі палова паказчыкаў. Рэгіянальны валавы рост не ўражвае, як і прадукцыйнасць працы. Цяжка з экспартам і прыцягненнем прамых замежных інвестыцый.
Вобласць прыкметна скараціла амаль на траціну жыллёвае будаўніцтва. Прэзідэнта цікавіць, як загружаны домабудаўнічыя камбінаты, як ідзе разгрузка складоў. Пакуль яшчэ хапае і стратных прадпрыемстваў, хоць іх колькасць паступова скарачаецца. Прэзідэнт яшчэ раз гаворыць аб неабходнасці наладзіць працу райаграсэрвісаў. Прычым гэта даручэнне павінны пачуць ва ўсіх рэгіёнах. Калі трэба - разабрацца з дыспарытэтам цэн на сяле, паглыбіцца ў праблемы складаных вытворчасцяў, такіх як электралямпавы або завод па выпуску вапны. Асобна Аляксандр Лукашэнка даручыў разабрацца з рэжымам працы свабоднай эканамічнай зоны.
Гэта была доўгая гутарка. Прэзідэнт ужо па'ехаў, а на плошчы прадоўжыліся зносіны мясцовых жыхароў з з кіраўніцтвам рэспубліканскай і мясцовай улады.
Стала зразумела, што такі фармат працы Кіраўнік дзяржаў будзе практыкаваць і надалей. Гэтымі днямі ішла глабальная гутарка аб развіцці заходніх абласцей. Зразумела, што яшчэ маса пытанняў, але пасля ўвагі на вышэйшым узроўні ўлада на месцах будзе да праблем людзей больш уважлівай. А для рэгіёна пачнецца новае жыццё.
