У холе Авальнай залы нязвыкла шматлюдна. Да яе гаспадароў далучыліся сенатары, члены ўрада, міністры, губернатары. Менавіта тут, у Авальнай зале, вось ужо 18 гадоў пішацца найноўшая гісторыя Беларусі. Дэмакратычная традыцыя Паслання прэзідэнта ёсць у многіх краінах свету. Але толькі ў Беларусі яно звернута да народа. Агучаныя тэзісы кладуцца ў стратэгію развіцця краіны як мінімум на год. Эксперты і палітолагі называюць Пасланне Прэзідэнта галоўнай палітычнай падзеяй пачатку года, што параўнальна па значнасці толькі з прэзідэнцкімі выбарамі.
Пасланне Аляксандр Лукашэнка чакана пачаў з Украіны і сітуацыі вакол яе. З высокай трыбуны Прэзідэнт цытуе Біблію і заяўляе аб неабходнасці захавання адзінства і незалежнасці краіны. Расколу дапусціць нельга. Улады гатовыя да паступовых рэформаў, але любыя праявы радыкалізму ў Беларусі будуць знішчаны ў зародку.
Яшчэ пра адну прычыну ўкраінскага крызісу - карупцыю - гаварыў Прэзідэнт. Пра абыякавасць ўлады да гэтай праблемы гаварыць нельга. Паслабленняў карупцыянерам не будзе, паабяцаў Прэзідэнт, і пачаліся пасадкі.
Усе чулі пра махінацыі з нерухомасцю ў Гомельскім гарвыканкаме. Сёння Магілёўскі абласны суд вынес прысуд былому мэру Гомеля - 5 гадоў пазбаўлення волі ў калоніі ўзмоцненага рэжыму з канфіскацыяй маёмасці. Прэзідэнт сёння ўспомніў гомельскіх кватэрных махінатараў, праўда, у іншым ключы. Карупцыя амаль заўсёды стаіць побач з разгільдзяйствам.
Адзін з эфектыўных метадаў барацьбы з карупцыяй - перагляд сістэмы дзяржфінансавання. Раздачы дармовых грошай не будзе. Паводле слоў Прэзідэнта, неабходны конкурсны падыход. Галоўнае, лічыць Аляксандр Лукашэнка, для Беларусі - рост эканомікі, а не ўнутраныя і знешнія ворагі.
Гаворачы пра сацыяльную сферу, тут Прэзідэнт за развіццё платных медпаслуг. Але браць плату за наведванне паліклінік нельга. Пры нараджэнні ў сям'і трэцяга дзіцяці дзяржава будзе адкрываць дэпазіт на 10 тысяч долараў. Прэзідэнт супраць рэформ у адукацыі, але за павышэнне зарплат бюджэтнікам.
Прэзідэнт заклікаў навесці парадак у краіне да чэмпіянату свету па хакеі. Працягваючы тэму спорту, са шкадаваннем канстатаваў, што ў краіне не ў пашане здаровы лад жыцця.
Гэта эмацыянальны пункт у выступленні Прэзідэнта ўсё ж не стаў лагічным завяршэннем сустрэчы. Кіраўнік дзяржавы згадзіўся адказаць на пытанні. Палітра іх аказалася вельмі разнастайнай - ад урэгулявання ўкраінскага крызісу да дэвальвацыі рубля.
Гутарка Прэзідэнта з дэпутатамі ўжо пасля выступлення прадоўжылася больш за гадзіну. Разыходзіліся народныя выбраннікі, сенатары, дыпламаты пад уражаннем.
За чатыры гадзіны пра ўсё паспеў распавесці Прэзідэнт з уласцівай яму эмацыянальнасцю і імправізацыяй. У Авальнай зале Беларусь атрымала арыенціры на найбліжэйшы год. Курс застаецца ранейшым, але перамены непазбежныя. Моцная эканоміка і сумленная ўлада павінны стаць фундаментам незалежнасці краіны і росквіту нацыі.