Павелічэнне тавараабароту ў паўтара раза - да паўмільярда долараў. Аб гэтым сёння заявіў Прэзідэнт Аляксандр Лукашэнка на сустрэчы з губернатарам Растоўскай вобласці Васілём Голубевым. Гэта ўжо не першы візіт прадстаўнікоў паўднёвага рэгіёна Расіі ў Беларусь. Разам з губернатарам у Мінск прыехалі буйныя прамыслоўцы, бізнесмены і дэпутаты. Растоўская вобласць - адзін з асноўных партнёраў Беларусі на поўдні Расіі. Традыцыйна рэгіён пастаўляе нам нафтапрадукты і метал. Мы ж прадаём тэхніку, камплектуючыя, нафтахімію і прадукты харчавання. Летась Беларусі і Растоўскай вобласці атрымалася пераламаць тэндэнцыю паніжэння тавараабароту. Плюс 20%. Але рэальна дасягнуць і больш высокай планкі. Падрабязней аб трэндах супрацоўніцтва і ўзаемавыгадных перспектывах - Ілона Красуцкая.
Традыцыйная частка візіту замежных дэлегацый - наведванне плошчы Перамогі. Ля манумента ў цэнтры Мінска шмат кветак: ад беларусаў і гасцей з усяго свету. Адзінства нацый і пакаленняў. Няйначай сведчанне таго, што мы памятаем і ганарымся гэтай агульнай Перамогай. Сімвалічна, свой візіт у Беларусь дэлегацыя Растоўскай вобласці пачынае менавіта адгэтуль.
Гэта не толькі адна з падзей у графіку беларускага Прэзідэнта, але і добрая традыцыя. На некалькі дзён расійскія губернатары пакідаюць свае рабочыя кабінеты, пераадольваюць адлегласці некалькі тысяч кіламетраў, каб асабіста сустрэцца з Кіраўніком беларускай дзяржавы. Для некаторых візіты паўторныя, і размова пачынаецца не за сталом перамоў, а прама з парога. Зрэшты, асаблівае стаўленне Аляксандра Лукашэнкі да ўмацавання міжрэгіянальнага супрацоўніцтва вядома добра. Таму кіраўнікі расійскіх рэгіёнаў выдатна ведаюць, іх абавязкова чакаюць у Палацы Незалежнасці.
Аляксандр Лукашэнка і Васіль Голубеў бачацца не ўпершыню. Экс-віцэ-губернатар Маскоўскай вобласці апошні раз быў у Мінску гадоў пяць таму назад. Добры індыкатар - на свае вочы ацаніць, як змянілася краіна. Разам з ім гэтым разам прыехалі буйныя прамыслоўцы, бізнесмены і дэпутаты. Зразумела, тут, каб гаварыць аб эканоміцы і новых кантрактах. Але размова пачынаецца з іншых лічбаў. Беларусь страціла кожнага трэцяга. Расійскі рэгіён, як і шматлікія іншыя, у Вялікай Айчыннай таксама панёс каласальныя страты. 830 тысяч растаўчан пайшлі на фронт і не вярнуліся дахаты. Гаркота страты не па чутках знаёмая і данскому губернатару. 9 мая ён прайшоў у калоне Бессмяротнага палка з партрэтам свайго дзеда.
У гэтыя святочныя дні мы асабліва ўспамінаем тых, хто цаной уласнага жыцця падарыў пакаленням мір і незалежнасць. Але, відавочна, урокі вайны не пройдзеныя. Прама ля нашых межаў па гэты дзень палаюць узброеныя канфлікты. За час баявых дзеянняў ва Украіне Беларусь прыняла 160 тысяч бежанцаў. Дапамагаюць па-суседску і растаўчане: харчаванне, адзенне, жыллё. Невыпадкова, у Палацы Незалежнасці так шмат гавораць пра саюзніцтва. Бо за словам - бяспека. А яшчэ - бонус у знешнім гандлі.
Летась Беларусі і Растоўскай вобласці атрымалася пераламаць тэндэнцыю паніжэння тавараабароту. Плюс 20% - лічба павялічылася да 340 мільёнаў долараў. Але рэальна дасягнуць і больш высокай планкі. Аляксандр Лукашэнка прапаноўвае больш актыўна выкарыстоўваць беларускія тавары і тэхналогіі. Гатовыя да канкурэнцыі ва ўсім, але на сумленных партнёрскіх адносінах. Бо партнёры чуюць адзін аднаго і могуць дамаўляцца.
Растоўская вобласць - аграрная. Яе яшчэ завуць жытніцай Расіі. У тройцы рэгіёнаў, якія забяспечваюць харчовую бяспеку сваёй краіны. Летась сабралі рэкордны ўраджай - 11 800 000 тон збожжа. Выдатныя паказчыкі ў цэлым дэманструе не толькі АПК, але і прамысловасць. Але ўсе гэтыя дасягненні не закружылі кіраўніцтву вобласці галаву.
Губернатар прапаноўвае наладзіць супрацоўніцтва паміж аграрыямі і навукоўцамі, Аляксандр Лукашэнка - павялічыць пастаўкі нашай сельгастэхнікі. Тым больш нас ужо добра ведаюць. У Растоўскай вобласці развітая дылерская сетка такіх брэндаў, як Гомсельмаш, МАЗ, МТЗ, "Амкадор". Працуюць дзве зборачныя вытворчасці Гомсельмаша.
На палях вобласці атрымалі сталую прапіску і беларускія трактары. Летась адправілі 700 адзінак, сёлета яшчэ 200. На тэрыторыі рэгіёна плануецца і пашырэнне сеткі дылерскіх цэнтраў па паслягарантыйным абслугоўванні.
Пасля гутаркі ў Кіраўніка дзяржавы Васіль Голубеў падзяліўся падрабязнасцямі з журналістамі. Адзін з праектаў, пра якія гаварылі без прысутнасці прэсы, - авіясувязь паміж Растовам і Мінскам. У папулярнасці гэтага кірунку няма сумненняў. Бо ў наступным годзе ў горадзе пройдуць матчы чэмпіянату свету па футболе.
А вось перамяшчацца па Растове жыхары і госці гарады будуць на беларускіх аўтобусах, тралейбусах і электробусах. Нашы МАЗы зарэкамендавалі сябе з часоў Алімпіяды ў Сочы. Зараз ідзе размова пра пастаўку яшчэ 110 машын у Растоўскі рэгіён. Нашы спецыялісты дапамогуць з узвядзеннем інфраструктурных і спартыўных аб'ектаў да будучага мундыялю.
Прадпрыемства "Белдзіпрадар" падлучыцца да будаўніцтва аб'язной кальцавой вакол Растова-на-Доне.
Новыя праекты сёння абмяркоўвалі і ва ўрадзе. Іх пазначылі ў дарожнай карце - гэта прадметнае супрацоўніцтва на два наступныя гады.
У рэйтынгах Сусветнай арганізацыі аховы здароўя наша краіна згадваецца ўвесь час. Беларускім медыкам па сіле правядзенне самых складаных аперацый ад кардыёхірургіі да трансплантацыі органаў. Вопыт мадэрнізацыі беларускай аховы здароўя зацікавіў і растоўскіх гасцей.
З пачатку года ў Мінску пабывалі дэлегацыі Стаўраполля, Кастрамской, Ніжагародскай абласцей. Зараз і Растоўскай. Час ідзе, змяняюцца пасады і рангі, але добрыя чалавечыя адносіны па-ранейшаму застаюцца гарантам партнёрства. Такія сустрэчы - уклад у агульную скарбонку саюзнага будаўніцтва, практычная аснова для будучага руху і новых праектаў беларуска-расійскай інтэграцыі.
