Прэзідэнт Аляксандр Лукашэнка абмеркаваў перспектывы развіцця чыгуначнага транспарту ў Беларусі з уладальнікам групы кампаній "Штадлер" Петэрам Шпулерам.
Аляксандр Лукашэнка нагадаў аб пазітыўнай гісторыі супрацоўніцтва з кампаніяй "Штадлер" і аб тым, як было прынята рашэнне аб буйных інвестыцыях у гэты сектар беларускай эканомікі.
Петэр Шпулер адзначыў, што з часу сустрэчы з Прэзідэнтам у жніўні 2016 года адбыліся пазітыўныя змяненні. Атрыманы некалькі буйных заказаў на двухпавярховыя цягнікі, у тым ліку для маскоўскага "Аэраэкспрэса". Таксама прадукцыя з Фаніпаля пастаўляецца ў Азербайджан, Грузію, Польшчу і Швейцарыю.
Па выніках сустрэчы Петэр Шпулер падзяліўся планамі развіцця беларускага філіяла. А менавіта запланавана адкрыццё новай вытворчасці ператваральнікаў для трамваяў і цягнікоў. Яны будуць экспартавацца ў тым ліку ў краіны Заходняй Еўропы. Таксама пашыраць магутнасці па выпуску вагонаў. Усяго швейцарская кампанія дадаткова інвестуе каля 35 мільёнаў еўра.
