Развіццё Магілёўскай вобласці абмеркавалі ў Прэзідэнта

Комплексны погляд на Магілёўскую вобласць: сяўба азімых, тэхналагічная і кадравая дысцыпліна, а таксама фінансавая падтрымка рэгіёна. Гэтыя тэмы сталі ключавымі ў дыялогу Кіраўніка дзяржавы з памочнікам Прэзідэнта па Магілёўскай вобласці Міхаілам Русым і губернатарам гэтага рэгіёна Леанідам Зайцам. Абодва ўжо амаль 5 месяцаў на пасадах. Важкі перыяд, каб гаварыць аб зробленай працы. Вядома, ёсць пазітыўныя змяненні: павялічылі экспарт, знізілася колькасць стратных прадпрыемстваў, расце сярэдняя заработная плата, але ў цэлым у вобласці не без праблем. Абмяркоўваючы магчымую фінансавую падтрымку рэгіёна, Кіраўнік дзяржавы акцэнтаваў увагу - у кіраўніцтва вобласці павінна быць дакладная стратэгія, калі дапамога не толькі прынясе эфект, але і за якія тэрміны вернуцца пазыковыя сродкі. Падрабязнасці ў нашых наступных выпусках.