Пачаўся рабочы візіт Аляксандра Лукашэнкі ў Кітай. Гэтай раніцай Кіраўнік дзяржавы ўдзельнічаў ва ўрачыстай цырымоніі адкрыцця маштабнага форуму "Адзін пояс, адзін шлях".
Гэта міжнародная ініцыятыва Кітая па стварэнні і ўдасканаленні гандлёвых шляхоў, транспартных і эканамічных калідораў, якія звяжуць 60 краін свету. На глабальны саміт беларускі лідар быў запрошаны сваім калегам - Старшынёй КНР Сі Цзіньпінам - адным з першых. Сусветная супольнасць чакае, што менавіта ў Пекіне зададуць новыя імпульсы ўзаемнага развіцця краін і народаў. Форум прадугледжвае абмен меркаваннямі па палітычных пытаннях, аб'яднанне інфраструктур, бесперашкодны гандаль, паток сродкаў, зносіны народаў. Аляксандр Лукашэнка выкажа прапановы беларускага боку па паглыбленні і пашырэнні супрацоўніцтва на Еўразійскім кантыненце з акцэнтам на сумесным мірным узаемавыгадным развіцці. У Пекіне ў Прэзідэнта Беларусі запланаваны вялікі пул асабістых сустрэч з сусветнымі лідарамі. Усё-такі ў кітайскай сталіцы гэтымі днямі прысутнічаюць кіраўнікі амаль трох дзясяткаў краін. Беларусь будзе абмяркоўваць і двухбаковыя пагадненні, і праекты з КНР. Прадугледжваецца сустрэча Аляксандра Лукашэнкі з Сі Цзіньпінам.
Чакаецца, што перагаворны марафон на форуме будзе дзейсным. А адносіны Беларусі з Кітаем, Азіяй і ўсімі краінамі, што ўдзельнічаюць у глабальным праекце, выйдуць на якасна новы ўзровень.
