Расследаванне рэзанансных крымінальных спраў і агульнае рэфармаванне судова-следчай сістэмы - пра гэта сёння гаварылі падчас рабочай сустрэчы Кіраўніка дзяржавы са старшынёй Следчага камітэта.
Як падкрэсліў Прэзідэнт, ключавым пытаннем з'яўляецца забеспячэнне эфектыўнасці працы, а таксама дакладнае размеркаванне абавязкаў і адказнасці. Гэта тычыцца ўсёй сістэмы правасуддзя, аж да Вярхоўнага суда. Менавіта гэтай тэме будзе прысвечана комплексная нарада на вышэйшым узроўні па выніках працы праваахоўнікаў і судовай сістэмы за мінулы год.
На кантролі ў Прэзідэнта і самыя рэзанансныя крымінальныя справы 2016. У прыватнасці, Аляксандр Лукашэнка запатрабаваў далажыць пра ход следства па гучным забойстве бізнесмена Сяргея Мяцельскага на ўскраіне Беразіно ў канцы верасня. Акалічнасці справы нагадваюць бандыцкія разборкі пачатку 90-х, і для праваахоўнікаў раскрыццё злачынства з'яўляецца справай гонару, адзначыў Кіраўнік дзяржавы. Пакуль падазроны не ўсталяваны. Пры гэтым па іншых рэзанансных злачынствах, уключаючы нападзенне на міліцыянера ў навагоднюю ноч, у следства поўная яснасць.
Нягледзячы на рэзанансныя справы, мінулы год адзначаны скарачэннем крымінагеннасці. Узровень злачыннасці знізіўся на 4,5 %. Пры гэтым кожныя 4 з 10 крымінальных спраў былі расследованы аператыўна, менш як за месяц.