Як сказаў сам Кіраўнік дзяржавы, гэты дакумент - акт гуманізму, які дзяржава праяўляе да асуджаных напярэдадні падзеі нацыянальнай значнасці - 75-годдзя Вялікай Перамогі. Паводле папярэдніх разлікаў Вярхоўнага суда, усяго пад амністыю падпадуць амаль 12 тысяч чалавек. Прычым гэтым разам пашырана кола асоб, да якіх яе можна прымяніць: гэта непаўналетнія распаўсюджвальнікі наркотыкаў у складзе арганізаванай групы і тыя, хто асуджаны за карупцыю.
Прапанавана скараціць ім тэрмін адбывання пакарання на адзін год.
Трэба сказаць, на гэты конт сёння ішлі сур'ёзныя дэбаты. Прэзідэнт дагэтуль не ўпэўнены, ці варта скарачаць тэрмін тым, хто папаўся на карупцыі. Кожную справу прэтэндэнтаў Кіраўнік дзяржавы разгледзіць у індывідуальным парадку.
Не менш важнае пытанне - інстытут паручыцельства пры памілаванні. Асабліва гэта датычыцца падлеткаў, якія адбываюць пакаранне за незаконны абарот наркотыкаў.
Зноў жа ў індывідуальным парадку разгледзяць, каго можна памілаваць. Нягледзячы на прапанаваныя новаўвядзенні, жорсткія падыходы не змяняюцца: градус барацьбы ў краіне не будзе слабець ні ў дачыненні да карупцыянераў, ні, тым больш, да тых, хто робіць грошы на наркотыках - закаранелых збытчыкаў.
Праект закона аб амністыі з нагоды 75-годдзя Вялікай Перамогі
Што гаварыць, сённяшнія заявы ў Палацы Незалежнасці сталі добрай навіной для тых, хто парушыў закон, іх родных і блізкіх. Магчыма, пакаранне скароцяць на год для кагосьці з карупцыянераў і непаўналетніх распаўсюджвальнікаў забароненых прэпаратаў. Шанец і зусім пачаць усё з чыстага ліста дадуць і тым, хто трапіў па наркаартыкуле ўпершыню - некаторых памілуюць. Асабліва зараз, калі ў свеце ўсвядомілі, што галоўнае здароўе, у нашай краіне змагаюцца за кожнае жыццё - гэтыя рашэнні Кіраўніка дзяржавы для кагосьці стануць другім днём нараджэння.4 месяцы таму Прэзідэнт даручыў Вярхоўнаму суду прапрацаваць праект указа аб амністыі з нагоды 75-годдзя Вялікай Перамогі. У працэсе ўкладальнікі дзяліліся падрабязнасцямі. Надзею на скарачэнне тэрміну атрымалі і тыя, хто спатыкнуўся, у тым ліку па маладосці або па дурасці за наркотыкі, і тыя, каму дзяржава даручыла важныя сферы, а ў выніку атрымала ўдар у спіну. Гэтыя справы заўсёды маюць шырокі рэзананс у грамадстве. Таму нават нягледзячы на знакавую дату, кандыдаты на змяншэнне тэрміну пройдуць жорсткі фільтр.
Прэзідэнт пакуль не прыняў рашэнне наконт амністыі для карупцыянераў
Прынцыповае стаўленне Прэзідэнта да тых, хто крадзе ў краіны, добра вядома. Тут ніякіх паблажак. Сёння прысутныя за гэтым сталом шмат спрачаліся. У Кіраўніка дзяржавы дагэтуль ёсць сумненні, ці трэба наогул змяншаць нават мінімальна тэрмін карупцыянерам?! Аргументы за, вядома, далі тыя, хто працаваў над дакументам. Адзін з іх - Валянцін Сукала - часта любіць паўтараць фразу: "У тых, хто спатыкнуўся, павінна быць святло ў канцы тунэля". Кіраўнік дзяржавы рашэнне пакуль не прыняў.Колькасць нарказлачынстваў у Беларусі знізілася
Калі ў адносінах да карупцыянераў захоўваецца жорсткі падыход, то да асуджаных за нарказлачынствы - больш узважаны. Хоць у свой час у Беларусі было прынята шмат мер, у тым ліку і даволі радыкальных, каб паставіць заслон наркаасяроддзю. Мы памятаем 6-ы прэзідэнцкі дэкрэт, узмацненне жорсткасці крымінальнай адказнасці, папраўкі летась у профільны кодэкс дазволілі суддзям гнутка падыходзіць да пакаранняў. Усе гэтыя меры далі станоўчы эфект.Лік злачынстваў у наркасферы значна скараціўся. Возьмем свежую статыстыку: за апошнія 3 гады асуджаных стала менш на 22%. Летась - гэта 2284 чалавекі. Сярод іх 52 - непаўналетнія.
Жыццё пасля наркотыкаў
Аб сваім цёмным мінулым у Сяргея гутарка сухая - у 2013 годзе атрымаў тэрмін па 3 частцы наркаартыкула 328. Пакаранне - 8 гадоў узмоцненага рэжыму. Пасля 5 з паловай гадоў зняволення яму замянілі рэжым, перавялі ва ўстанову адкрытага тыпу, і ўжо там трапіў пад амністыю, апынуўся на хатняй хіміі. 4 дні як ён законапаслухмяны грамадзянін. Працуе ў таксі, марыць убачыць мора і стварыць сям'ю - простыя чалавечыя жаданні.Час перагледзець свае звычкі
Першая доза, залежнасць, адмаўленне праблемы, пакуты бацькоў, сыход з дома, рэанімацыі. Турма. Толькі за год, паводле звестак ААН, у спробах прыхарашыць рэальнасць гінуць 200 тысяч чалавек. Спайс або парашок спрабуюць да 300 мільёнаў чалавек па ўсім свеце - г. з. кожны дваццаты жыхар планеты. Так і атрымліваецца: калі ў наш час адны літаральна змагаюцца за жыццё, другія ад яго наўмысна адмаўляюцца.Непаўналетнія, асуджаныя па арт. 328, могуць разлічваць на памілаванне
Часам падлеткі і самі не разумеюць, што сталі часткай цэлага наркаланцужка. За ўзнагароду (па просьбе гандляроў) згаджаюцца зрабіць пару закладак, не ўсведамляючы, у што ўвязваюцца і якімі могуць быць наступствы. Іншыя - аб'ектыўна хворыя, сядзяць на іголцы... І, як гаворыцца, крымінальная адказнасць не пазбавіць іх ад наркатычнай залежнасці. Апорай для падлеткаў у першую чаргу павінна быць сям'я, каб потым не трэба было ўсім светам змагацца з наступствамі.Шанец пачаць усё з чыстага ліста
Словам, у дзяржавы жорсткая пазіцыя: саслабляць барацьбу з абаротам забароненых рэчываў не збіраюцца, але ў непаўналетніх, асуджаных па наркаартыкуле, усё ж будзе магчымасць выправіцца. Свайго роду выхаваўчай мерай стане інстытут даручальніцтва пры памілаванні. Гаворачы па-простаму, пад сумленнае слова родных, што гэта быў апошні раз, асуджаных могуць памілаваць. Урэшце, людзі павінны разумець адказнасць перад грамадствам.Новая доза - зноў турма
Вядома, не ўсё так проста: павінна сысціся мноства фактараў - камісія вывучыць кожнага, хто прэтэндуе выйсці на волю. Прааналізуюць стаўленне да зробленага, ці раскайваецца? Ды і якія планы на далейшае жыццё.Камісія прааналізуе прэтэндэнтаў на памілаванне па наркаартыкуле 328
Сёння агучылі і папярэднія лічбы, хто можа разлічваць на амністыю: ёсць верагоднасць, што прыкладна 2000 вызваляць цалкам, 3500 будуць вызваленыя ад іншых відаў пакарання, апроч пазбаўлення волі. І яшчэ 6500-м могуць скараціць тэрмін на адзін год - такія прапановы Вярхоўнага суда. Калі сёння тыя, хто асуджаны па наркаартыкуле, атрымалі адказы і ўжо рэальна ацэньваюць свае шанцы на памяншэнне тэрміну або памілаванне, то з тымі, хто трапіў на карупцыі, не ўсё так проста. У дачыненні гэтых людзей пакуль застаецца шматкроп'е.
