Сёння лідары дзвюх краін адкрыюць беларуска-егіпецкі бізнес-форум. Акрамя таго, Аляксандр Лукашэнка сустрэнецца з прэм'ер-міністрам Егіпта і старшынёй Палаты прадстаўнікоў. Напярэдадні перамовы на вышэйшым узроўні доўжыліся больш як тры гадзіны.
Аляксандр Лукашэнка і Абдэль Фатах аль-Сісі дамовіліся аб далейшым нарошчванні гандлёва-эканамічных сувязяў, павелічэнні беларускага экспарту і наладжванні вытворчай кааперацыі. Бакі настроеныя на актывізацыю ўзаемадзеяння ў галіне атамнай энергетыкі, машынабудавання і будаўнічай галіны. Прэзідэнты падпісалі сумесную дэкларацыю, у якой падкрэслілі агульнае імкненне да ўмацавання беларуска-егіпецкіх адносін. Па выніках сустрэчы было падпісана 10 дакументаў аб развіцці супрацоўніцтва. Для афіцыйнага Мінска Каір не толькі найважнейшы палітычны і эканамічны партнёр у Паўночнай Афрыцы, але і апорны пункт на ўсім кантыненце.
Беларуска-егіпецкія кантакты будуць прадоўжаныя. У тым ліку і на самым высокім узроўні. Аляксандр Лукашэнка запрасіў прэзідэнта Абдэля Фатаха аль-Сісі наведаць Беларусь з візітам у адказ.
