Усе кандыдаты на пасады ва ўрадзе пройдуць працэдуру абмеркавання і антыкарупцыйны фільтр.
Прынцыповымі для Прэзідэнта з'яўляюцца пытанні кіравальнасці на месцах і кантроль эканамічных працэсаў - у першую чаргу негатыўных. Аб гэтым сёння ішла размова на нарадзе, дзе Кіраўніку дзяржавы далажылі аб прапановах па кадравых рашэннях. Нагадаем, вакансіі ва ўрадзе з'явіліся адразу пасля рэзананснай інспекцыі Аляксандра Лукашэнкі па Аршанскім рэгіёне і сталі лагічным следствам фактычнага правалу даручэнняў беларускага лідара. У прыватнасці, сваіх пасад пазбавіліся міністры прамысловасці і архітэктуры.
Падчас нарады Прэзідэнт зрабіў акцэнт на публічнай дыскусіі вакол адставак ва ўрадзе і паабяцаў адрэагаваць на рыторыку асобных СМІ, уключаючы інтэрнэт-платформы. Даручэнне правесці падрабязны аналіз грамадскай думкі і прэс-кантэнт атрымалі адміністрацыя і прэс-служба Прэзідэнта. Лідар не раз падкрэсліваў, што для яго важная зваротная сувязь, але ў такім прынцыповым пытанні, як камандная праца галін улады, маніпуляцыі недапушчальныя.
Пры гэтым лідар адзначыў, што няправільна тлумачыць яго дзеянні як расправу над чыноўнікамі, хай і пагарэлымі на невыкананні даручэнняў і паказусе. У рэжыме асаблівага напружання, у які перавялі трохвугольнік Орша - Барань - Балбасава, павінны працаваць не толькі кіраўнікі, да якіх сапраўды шмат прэтэнзій, але і самі жыхары Віцебскай вобласці. Менавіта ў гэтым складаецца і логіка даручэнняў Кіраўніка дзяржавы, і сутнасць асаблівага рэжыму кіравання рэгіёнам.
Аб тым, як у Оршы рэагуюць на вынікі прэзідэнцкай інспекцыі і ці гатовыя прыкласці максімум намаганняў для вывядзення рэгіёна на ўстойлівы рост, на месцы высветліла наша здымачная група. Меркаванні, не скажоныя часта ананімнымі здагадкамі з глабальнай павуціны, вашай увазе.
