Прамыя перамовы аб праблемных пытаннях. Аляксандр Лукашэнка і Уладзімір Пуцін сёння ў сочынскай Краснай Паляне паспрабуюць вырашыць усе спрэчныя моманты паміж Мінскам і Масквой. Палітыкі сустрэліся ў доме прыёмаў афіцыйных дэлегацый "Лаура".
Першая частка перамоў - адзін на адзін, без гальштукаў і з аўсянкай. У фармаце рабочага сняданку. Зрэшты, чакаецца, што палітыкі прыйдуць да пэўных рашэнняў па эканамічных пытаннях: размова ідзе пра нафту і блакітнае паліва ў першую чаргу. Увесь студзень экспертныя групы і члены ўрада працавалі разам у пошуках кампраміснага варыянта, а сёння момант ісціны. Раней менавіта такую ацэнку маючым адбыцца перамовам даў Аляксандр Лукашэнка падчас зносін з журналістамі. Пры гэтым беларускі бок прапрацоўвае і альтэрнатыўныя крыніцы пастаўкі чорнага золата. Літаральна паўгадзіны таму пачалася сустрэча і ў пашыраным складзе паралельна з прэзідэнцкім дыялогам і без некалькіх удзельнікаў. Лідары ўжо далучыліся да фармату, а вось калегі з расійскага ўрада пакуль не.
Рэч у тым, што самалёт з прэс-сакратаром Пуціна Дзмітрыем Пясковым, міністрам энергетыкі Аляксеем Новакам і Міхаілам Бабічам не змог з-за надвор'я прызямліцца ў Сочы і паляцеў у аэрадром Мінеральныя воды, дзе і прызямліўся. Надвор'е там не лепш, а ад Сочы паўтысячы кіламетраў. Колькі прабудуць у курортнай зоне ўдзельнікі расійскай дэлегацыі - невядома. Пяскоў жа адзначыў: "Ёсць толькі адзін чалавек, без якога нельга правесці перамовы".
Падрабязнасці рабочага візіту Прэзідэнта і дыялогу Мінска і Масквы ў наступных выпусках навін.
Прэзідэнты Беларусі і Расіі праводзяць сустрэчу ў Краснай Паляне ў Сочы
7 февраля 2020
