Аб гэтым паведаміў сёння журналістам старшыня Камітэта дзяржаўнага кантролю. Леанід Анфімаў адзначыў, што дакумент зараз знаходзіцца на разглядзе Кіраўніка дзяржавы. У прыватнасці, праект указа прадугледжвае абавязковае ўзгадненне з вышэйстаячымі арганізацыямі закупак, калі яны здзяйсняюцца за кошт дзяржаўных грошай.
Леанід Анфімаў, старшыня КДК Беларусі: "Калі вы хочаце купіць нейкі тавар у пасрэдніка, то павінны ўзгадніць гэтую закупку. Калі гэта калгас, і ён знаходзіцца ў камунальнай уласнасці, то з тым органам, які здзяйсняе ўладальніцкі нагляд, у каго знаходзяцца акцыі гэтага прадпрыемства".
Пры гэтым размова ідзе аб закупках пэўнай коштавай катэгорыі. У будучыні будзе вызначана сума здзелак, якія прадпрыемства зможа здзяйсняць без узгадненняў. Яшчэ больш ініцыятыў па барацьбе з неабгрунтаваным пасрэдніцтвам сёння вызначылі спецыялісты падчас міжведамаснай калегіі Дзяржкантролю і Генпракуратуры. Як у будучыні праваахоўнікі будуць змагацца з шэрымі схемамі закупак, раскажам сёння ў "Панараме".
Прэзідэнту ўнеслі на разгляд праект указа па барацьбе з нядобрасумленным пасрэдніцтвам
16 октября 2019