Будаўніцтва басейна міжнароднага стандарту і Нацыянальнага футбольнага стадыёна магчыма пачаць ужо ў першай палове наступнага года. Сёння Прэзідэнту далажылі аб рэалізацыі гэтых маштабных праектаў.
Яны абодва будуць размешчаныя ў Мінску і збудаваныя за кошт бязвыплатнай тэхніка-эканамічнай дапамогі Кітая. Пагадненне паміж урадамі дзвюх краін было падпісана ў кастрычніку 2018 года. Яно прадугледжвае рэалізацыю самых сучасных архітэктурных рашэнняў. Так, басейн будзе разлічаны на 6 тысяч гледачоў і будзе адпавядаць усім патрабаванням Міжнароднай федэрацыі плавання. Трыбуны новага футбольнага стадыёна змогуць змясціць 33 тысячы гледачоў. Узвядзенне аб'ектаў выконваецца пад ключ. Тэрмін рэалізацыі - 2023 год.
Як і Беларусь, Кітай надае вялікую ўвагу развіццю спорту. Гэтая краіна штогод запускае мноства аб'ектаў самага высокага ўзроўню. Супрацоўніцтва па гэтым кірунку з КНР паспрыяе далейшаму правядзенню ў нашай краіне міжнародных топ-спаборніцтваў.
Прэзідэнту далажылі пра будаўніцтва басейна міжнароднага стандарту і Нацыянальнага футбольнага стадыёна
6 августа 2019