Пра гэта Кіраўнік дзяржавы заявіў сёння на нарадзе аб бягучых пытаннях сацыяльна-эканамічнага развіцця краіны. Па словах Аляксандра Лукашэнкі, неабходна паглядзець, наколькі аптымізаваныя бягучыя бюджэтныя выдаткі, у тым ліку і дзяржпраграмы. Асобную ўвагу Прэзідэнт звярнуў на цэны і тарыфы, у тым ліку на жыллёва-камунальныя паслугі, пацікавіўшыся, ці дастаткова ўзважаныя рашэнні, якія прымае ўрад. Таксама Аляксандр Лукашэнка папярэдзіў чыноўнікаў аб адказнасці за хлусню ў пытанні разгрузкі складскіх запасаў.
Кіраўнік дзяржавы запатрабаваў ад удзельнікаў нарады выказаць канкрэтныя прапановы па ўсім спектры абазначаных пытанняў. Прэзідэнт заявіў аб недапушчальнасці таго, каб урад вырашаў праблемы шляхам празмернага павелічэння тарыфаў для насельніцтва. Пры гэтым Кіраўнік дзяржавы падкрэсліў, што павышэнне, калі яно неабходнае, павінна адбывацца паступова, а не ў адзін момант і ў вялікім памеры. Падрабязнасці нарады ў нашых наступных выпусках.
