Прэзідэнт сустрэўся са старшынёй Кангрэса мясцовых і рэгіянальных улад Савета Еўропы

Развіццё супрацоўніцтва ў сферы мясцовага самакіравання сёння абмеркавалі ў Палацы Незалежнасці. Прэзідэнт сустрэўся са старшынёй Кангрэса мясцовых і рэгіянальных улад Савета Еўропы. Гэтая арганізацыя з'яўляецца пляцоўкай для абмеркавання агульных рэгіянальных праблем і абмену вопытам.

Аднак першачарговая задача - развіццё і ўмацаванне ўлады на месцах. Арганізацыя аб'ядноўвае 324 прадстаўнікі з 47 краін Савета Еўропы. Новы кіраўнік Андэрс Кнапэ  на пасадзе ўсяго пару месяцаў, але яго папярэдніца  ўжо была ў нашай краіне. Тут варта адзначыць, што Беларусь традыцыйна надае шмат увагі развіццю сувязяў і прамых кантактаў на мясцовым узроўні. Прычым  па ўсім ланцужку - ад кадравай палітыкі да перспектыў малых населеных пунктаў. Менавіта таму, прызначаючы мясцовую вертыкаль улады, Кіраўнік дзяржавы ў першую чаргу робіць акцэнт на развіццё эканомікі і чалавечага патэнцыялу. Не выпадковы і тэзіс "канкрэтны чалавек - канкрэтная праблема - канкрэтнае рашэнне", які стаў адным з ключавых у нядаўнім Пасланні Прэзідэнта народу і парламенту. Сёння на сустрэчы ў Палацы Незалежнасці  бакі пацвердзілі намер працягваць цеснае супрацоўніцтва ў сферы мясцовага самакіравання.

Вялікую цікавасць у Кангрэса выклікае беларуская школа падрыхтоўкі кіраўніцкіх кадраў  і вопыт супрацоўніцтва на ўзроўні рэгіёнаў з дзяржавамі-партнёрамі. Прадстаўнікі Кангрэса  частыя госці ў нашай краіне. Арганізацыя шчыльна працуе з Саветам па ўзаемадзеянні органаў мясцовага самакіравання пры верхняй палаце беларускага парламента. Узначальвае яго Міхаіл Мясніковіч. Больш за 10 гадоў Савет надзелены статусам запрошанага назіральніка пры Кангрэсе. Чакаецца, што сёння беларускія і шведскія калегі правядуць круглы стол, дзе абмяркуюць паглыбленне супрацоўніцтва ў сферы мясцовага самакіравання.